राजकारण शाश्र्वत वैर नसलेली मैदाने

 राजकारण: शाश्वत वैर नसलेली मैदाने

अलीकडेच एका उद्घाटन समारंभात भारतीय जनता पक्षाचे आमदार चैनसुख संचेती आणि राष्ट्रीय काँग्रेसचे माजी आमदार राजेश एकडे हे एकत्र दिसले. एकमेकांच्या राजकीय विरोधक असलेल्या या नेत्यांनी एकत्र मंच शेअर केला आणि हे पुन्हा एकदा स्पष्ट केलं की राजकारणात कोणीही कोणाचा कायमस्वरूपी शत्रू नसतो. आजचे प्रतिस्पर्धी उद्याचे सहकारी होऊ शकतात आणि आजचे सहकारी उद्या विरोधक सुद्धा होऊ शकतात.

या प्रसंगातून मुस्लिम समाजाने एक महत्त्वाचा धडा घेतला पाहिजे. दीर्घकाळ काँग्रेसने मुस्लिम समाजाचा उपयोग फक्त मतांसाठी केला, हे वेळोवेळी स्पष्ट होत आले आहे. आज त्या काँग्रेसचेच काही नेते भारतीय जनता पक्षाच्या नेत्यांबरोबर मंच शेअर करताना दिसतात. मग प्रश्न उपस्थित होतो — मुस्लिम समाजासाठी खऱ्या अर्थाने कार्य करणारे नेमके कोण?

"शक्तिमान ही गंगाधर आहे" — ही ओळ आपल्या लहानपणाच्या आठवणींमध्ये कोरलेली आहे. त्याचप्रमाणे, शक्ती कुणाकडे आहे, कोण समाजासाठी खऱ्या अर्थाने उपयोगी आहे, हे ओळखण्याची वेळ आली आहे. मुस्लिम समाजाने आता भावनांपेक्षा वास्तवावर आधारलेली राजकीय दिशा निवडली पाहिजे.

एकत्र मंचावर येणारे नेते हे दर्शवतात की, सत्ता, स्वार्थ आणि वेळ यानुसार नाती बदलतात. म्हणूनच कोणतेही पक्ष अंधपणे पाठीशी न घालता, स्वतःच्या समाजासाठी कोण योग्य आहे, कोण प्रत्यक्ष कार्य करतो आणि कोण फक्त वचने देतो, हे समजून घेणे आवश्यक आहे.

समाजाने आता राजकीय जाणिवा वाढवून, मुद्देसूद मतदान करणे गरजेचे आहे — कारण आपल्या भवितव्याचा निर्णय निवडणुकीत घेतला जातो.

युवा जिल्हाध्यक्ष आझाद पठाण समाजवादी पार्टी