*पोलीस प्रशासन, नांदुरा द्वारा सर्व नागरीकांना जाहीर महत्वपुर्ण सुचना !*
ज्या वेळेस आपतकालीन घटने संबधाने सायरन वाजेल त्यावेळेस उंच बिल्डींग मध्ये राहणारे व्यक्तींनी तात्काळ खाली येवुन तळ घराचा आश्रय घ्यावा किंवा टेबल खाली अथवा ज्या ठिकाणी आपल्या शरीराला ईजा होणार नाही अशा सुरक्षीत ठिकाणी संपूर्ण बॉडी फोल्ड करुन बसावे, खिडक्या, दरवाज्यामध्ये उभे राहु नये, भुकंपाचे वेळेस किंवा इतर आपतकालीन परीस्थीती मध्ये आपण सुरक्षीत राहणे करीता ज्या प्रमाणे उपाय योजना करतो त्याप्रमाणे उपाय करावेत, प्राथमीक उपचाराची किट प्रत्येकांनी घरामध्ये ठेवावी, कोणी फॅक्चर अथवा जखमी झाल्यास तात्काळ इतर वैदयकीय मदत मिळे पर्यत उपचार करावा, पिण्याचे पाणी, वापराचे पाणी साठवणुक करुन ठेवावे पाण्याचा वापर काळजीपुर्वक करावा.
रात्रीच्या वेळेस सायरन वाजल्यास तात्काळ आपले घर, दुकान या ठिकाणी असलेले सर्व लाईट बंद करावेत व विद्युत उपकरणे बंद करावेत, आगीच्या ठिकाणी किंवा जखमी व्यक्ती असलेल्या ठिकाणी तात्काळ अग्निशामक दलाचे वाहन व रुग्नवाहीका पोहचणे व निघुन जाणे याकरीता सर्व सार्वजनीक रहदारीचे मार्ग मोकळे ठेवावे, जेणे करुन अग्निशामक व रुग्नवाहीका या वाहनांना रस्त्यात अडथळा निर्माण होणार नाही, याची दक्षता घ्यावी, नागरीकांना घाबरून न जाता एकतेचे दर्शन घडवावे, एकता आणी अखंडता कायम ठेवावी, आपल्या एकतेची आज देशाला गरज आहे.
प्रत्येक नागरीकांनी आपले आधारकार्ड, किंवा इतर कोणतेही ओळखपत्र आपले खिशात सोबत बाळगावे, कोणतीही प्रकारची आक्षेपाहर्य बाब निर्देशनास आल्यास तात्काळी डायल 112 वर कॉल करुन पोलीसांना कळवावे.
कोणत्याही अफवांना बळी पडु नये, किंवा कोणी अफवा पसरवत असेल तर त्याची तात्काळ पोलीस स्टेशन नांदुरा येथे तक्रार दयावी, सोशल मिडीयाद्वारे पसरवीण्यात येत असलेल्या अफवेला लाईक, कर्मेन्ट, किंवा शेयर करु नये, तसेच यानंतर सोशल मिडीयावरुन भारतीय सैन्याला आर्थीक मदत करण्या करीता काही लिंक्स, स्कॅनर किंवा बँक डिटेल्स पाठवुन फसवणुक होण्याची दाट शक्यता असल्याने कोणासही पैसे वगैरे पाठवु नका, भावनीक होवुन कोणतेही चुकीचे कृत्य करु नये, काही अडचण अथवा प्रश्न असल्यास पोलीस स्टेशन नांदुरा अथवा तहसिल कार्यालयातुन खात्री करावी.
*विलास पाटील*
पोलीस स्टेशन निरीक्षक
*नांदुरा* जि. बुलडाणा पोलीस स्टेशन नांदुरा जि. बुलढाणा
Post a Comment
0 Comments