नांदुरा तालुक्यातील चांदुर बिस्वा येथून,ठगून गेलेला मुख्य आरोपी अफरोज खान दिलावर खान पोलिसांच्या ताब्यात; नागरिकांचे पैसे तात्काळ परत मिळवून न्याय द्यावा चांदूर बिस्वा ग्रामस्थांची मागणी,

प्रतिनिधि..शेर मोहम्मद 

 नांदुरा तालुक्यातील चांदुर बिस्वा येथून,ठगून गेलेला मुख्य आरोपी अफरोज खान दिलावर खान पोलिसांच्या ताब्यात; नागरिकांचे पैसे तात्काळ परत मिळवून न्याय द्यावा चांदूर बिस्वा ग्रामस्थांची मागणी,

मौलाना आझाद अल्पसंख्याक आर्थिक विकास महामंडळाच्या योजनांशी संबंधित कथित बनावट शिक्के व कागदपत्रांच्या आरोपांची सखोल चौकशी सुरू,बोगस कर्ज प्रकरणाला आता, महत्त्वाचे वळण मिळाले आहे. या प्रकरणातील मुख्य आरोपी अफरोज दिलावर खान याला नांदुरा पोलिसांनी नांदुरा येथून शोधून ताब्यात घेत अटक केली आहे. आरोपीला न्यायालयात हजर केले असता न्यायालयाने त्याला चार दिवसांची पोलिस कोठडी (P C R) सुनावली असून, सध्या आरोपी पोलिसांच्या ताब्यात आहे. या प्रकरणाचा पुढील तपास नांदुरा पोलीस स्टेशनकडून सुरू आहे.

चांदूर बिस्वा येथील नागरिकांच्या म्हणण्यानुसार, गरीब व सर्वसामान्य नागरिकांच्या नावावर कर्ज प्रकरणे उभी करून त्यांच्या कागदपत्रांचा गैरवापर करण्यात आल्याचा आरोप आहे. या संपूर्ण प्रकरणाची सखोल चौकशी करून नागरिकांकडून कथितरीत्या घेतलेली किंवा लाटलेली रक्कम सक्तीने वसूल करून संबंधित नागरिकांना तात्काळ परत मिळवून द्यावी, अशी मागणी आता जोर धरत आहे.२०२४ पासून आरोपीचा शोध; अखेर पोलिसांच्या हाती,

अफरोज दिलावर खान हा २०२४ पासून फरार असल्याचे नागरिकांकडून सांगण्यात येत आहे. या कालावधीत संबंधित नागरिकांनी आपल्या कागदपत्रांचा व कर्ज प्रकरणांचा तपशील मिळविण्यासाठी पाठपुरावा केला. अखेर नांदुरा पोलिसांनी तपासाची चक्रे फिरवत आरोपीचा शोध घेतला आणि नांदुरा येथून त्याला ताब्यात घेतले. त्यामुळे या प्रकरणातील सत्य बाहेर येण्याच्या आशा नागरिकांमध्ये निर्माण झाल्या आहेत.

सध्या आरोपी पोलिसांच्या ताब्यात असून, त्याच्याकडून या प्रकरणातील कागदपत्रे, आर्थिक व्यवहार, कर्ज प्रकरणे तसेच इतर संबंधित व्यक्तींबाबत चौकशी केली जात असल्याची माहिती आहे. या चौकशीतून संपूर्ण प्रकरणाची वस्तुस्थिती समोर यावी, अशी अपेक्षा नागरिक व्यक्त करीत आहेत.आमचे पैसे परत मिळवा, आम्हाला न्याय द्या’

या प्रकरणातील पीडित व चांदूर बिस्वा येथील नागरिकांची प्रमुख मागणी म्हणजे त्यांचे पैसे परत मिळावेत आणि त्यांना न्याय मिळावा. गरीब नागरिकांच्या आर्थिक परिस्थितीचा गैरफायदा घेऊन जर कोणाकडून पैसे उकळण्यात आले असतील, तर संबंधित रक्कम कायदेशीर प्रक्रियेतून वसूल करून पीडितांना परत मिळवून देण्यात यावी, अशी कळकळीची मागणी नागरिकांनी केली आहे.

“माननीय ठाणेदार साहेब आणि माननीय न्यायमूर्ती महोदय, आम्ही गोरगरीब नागरिक आहोत. आमच्या कागदपत्रांचा गैरवापर झाला असेल किंवा आमचे पैसे घेतले गेले असतील, तर या प्रकरणाची निष्पक्ष व सखोल चौकशी करून आम्हाला न्याय द्यावा. आमचे पैसे आम्हाला परत मिळवून द्यावेत,” अशी कळकळीची विनंती चांदूर बिस्वा येथील नागरिकांनी केली आहे.संपूर्ण रॅकेटचा तपास होण्याची अपेक्षा

मुख्य आरोपी पोलिसांच्या ताब्यात आल्याने आता या प्रकरणाचा तपास केवळ एका व्यक्तीपुरता मर्यादित न राहता, कर्ज प्रकरणांमध्ये सहभागी असलेल्या प्रत्येक व्यक्तीची भूमिका तपासावी, अशी मागणी होत आहे. संबंधित कागदपत्रे कोणी तयार केली, कर्ज प्रकरणे कशी मंजूर झाली, आर्थिक व्यवहार कुठे झाले आणि नागरिकांच्या नावाचा गैरवापर नेमका कसा झाला, याचा तपास होणे आवश्यक असल्याचे नागरिकांचे म्हणणे आहे.

दरम्यान, नांदुरा पोलिसांकडून पुढील तपास सुरू असून आरोपी सध्या पोलिसांच्या ताब्यात आहे. पोलिस तपास आणि न्यायालयीन प्रक्रियेतून या प्रकरणातील सत्य समोर येणार आहे. नागरिकांना त्यांची कथित नुकसानभरपाई व रक्कम परत मिळून न्याय मिळावा, हीच चांदूर बिस्वा येथील पीडित नागरिकांची प्रमुख अपेक्षा आहे.